قصة قصيرة
خليته يصحى بالڠصب
مروه يعني متفقين دا أنا هروح أخليهم يغسلوا الهدوم كمان سلام
ضحكت سهى عليها وعلى شقاوة عيالها
بقلم إسراء إبراهيم
مروه خلتهم يغسلوا الهدوم وكانوا هيعيطوا
بلال على فكرة عندي شغل ومينفعش كدا
مروه ببرود عادي إيه يعني ماتروحش جت عليك يعني خليت عيالك مايرحوش الحضانة تبقى عيبة لو روحت الشغل
بلال يا حبيبتي أنا جوزك حبيبك ليه تعملي فيا كدا
بلال محسساني إنك عاملة أحلى مزاج وضاربة اتنومكملش عشان مروه قاطعته
مروه خلي بالك من ألفاظك يا أستاذ
بلال هى حصلت لأستاذ خلاص ماهتكلمش تاني
وبتمر الأيام والسنين يعني حوالي 10 سنين
عمار وعمران عندهم 14 سنة في تالتة اعدادي
خديجة عندها 12 سنة في أولى إعدادي
مروه وهما بيفطروا بتقول لعمار وعمران ماتبصوش لأي بنت وتضايقوها عشان اللي ماترضهوش على أختك يبقى ماترضهاش على بنات الناس
وعشان يا حبايبي حرام ولو بنت طالعة قدامك يبقى تمد وتطلع بسرعة ماتممشيش تتدلع وراها
ولو بنت ماشية وراك سرع واطلع بسرعة عشان متطعطلهاش ومينفعش أصلا تطلع قدامك
ولو اضطريت تكلم بنت يبقى باحترام وحدود دي كدا نصايح النهارده
هزوا راسهم وباسوا إيدها وقالوا حاضر يا ست الكل رغم إن الكلام دا بتقوليه لينا من واحنا في الحضانة لغاية دلوقتي
مروه وهفضل أفكركوا به عشان ضميركوا يفضل حاضر
وبصت لخديجة وقالت وأنتي يا حبيبتي ممنوع كلام مع ولاد ولا هزار معهم ولو ولد طالع وراكي اقفي في جنب لغاية ما يطلع
خديجة وهى بتبوس إيد مامتها وخدها حاضر يا ماما حفظته والله وبجد لو هنفضل نشكرك على تربيتك لينا ونصحك لينا وزرع الأخلاق العالية فينا مش هيكفي
وبنشكر ربنا في كل لحظة على إن عندنا أم زيك كدا حنونة وحريصة جدا علينا مهما فضلنا نشكر ربنا هنحس إننا مقصرين بردوا
مروه وهى بتحضنها دا لازم الأهل يقولوه لأولادهم بس بعض الأهل بقوا مشغولين بحياتهم الخاصة لبسهم وشغلهم والموبايل اللي ماسكينه ليل نهار وسهيوا عن ولادهم
حماتها ربنا يحفظك لهم وتفرحوا بهم وتفضلوا تنصحيهم دايما
بلال بإبتسامة يارب يا ماما ويحفظها لينا كلنا أكبر نعمة في حياتي أنتم الإتنين
طلعوا من الأوضة عشان ينزلوا لمدرستهم وخرجت مروه وراهم زي العادة لغاية الباب وبيكون ياسين منتظرهم في الباص
كانت لسه مروه واقفة عالباب وعيالها نزلوا وبتدعي لهم بالتوفيق والفلاح
جه بلال من وراها وهمس جنب ودانها بحبك يا أم عيالي
ابتسمت مروه وأم عيالك بتحبك
انتهت رواية.
