رواية دعوي حضانه كاتبة يارا عبد السلام
المحتويات
يا شهد والله لربيكي...
شهد جت ومعاها الملفات..
ومن غير ميعيرها اهتمام..
_روحي هاتيلي قهوه وتعالى.
راحت من غير كلام وجابت القهوه..
وحطتها..
وهوا مد أيده وشربها..
_تؤ مش حلوه عاوز واحده تانيه..عاوزها زي بتاعت اخر مره لو سمحتى..
كل دا وهوا مش باصصلها..
وهى من غير كلام...
راحت وعملت غيرها..
وهي متعصبه وهوا مبسوط انها متعصبه بس مش قادره تتكلم..
قامت اتكلمت
_لا بقى كدا كتير كدا استغلال انت بتستغل اني مش هعرف اتكلم يعني وادافع عن نفسي..
بصلها..
باستفهام تدافعى عن نفسك ازاي...
هى اتوترت يعنى يعني علشان اللي حصل انا انا...
_انتى اي..
_انا ليا حقوق هنا زي اي موظف..
_طبعا واي كمان
وهي اتعصب من بروده
_انت بارد ومعندكش دم ومش بتحس وانا غلطانه
حست انو واقف وراها..
لفتله ووشها قابل وشه..
هوا وهوا حاطط أيده عالباب
_ها كملي خناق..عاوز اسمعك
هي حست أن روحها انسحبت منها اول مره تتحط في الموقف دا..
_انا انا..
ممكن تبعد..
_تؤ مش هبعد عاوز اعرف تدافعي عن نفسك ازاي وانا يستغل اي..
_ها طيب ممكن تبعد وانا اقولك..
_لا انا مش بخاف..
_واااو دانتى استرونج بقى امال مش بتواجهى لي
_بواجه اي..
_الحقيقه..
_حقيقه اي
قرب من ودنها وهمس
_انك بتحبيني..
هى اتوترت اكتر ودلوقتي فعلا عوزا الارض تنشق وتبلعها فعلا...
_لا لا محصلش دي كلمه كدا طلعت غصب عني انا احبك لا طبعا قال احبك قال...ممكن تبعد كدا علشان الأكسجين
_لا مش هبعد
وقال..
_مسيرك تعترفي...
وحازم جه وهوا بيقول كدا وشاف شهد وهى وشها احمرر وكأنها خارجه من فرن..
وغمز لعمر..
_اي دا هي الصناره غمزت ولا اي
_مش عارف...
_بس الصراحه شكلها بتحبك
بصله
_فعلا
_اسألني انا...
_اه صحيح بإمارة البت اللي سرقت عربيتك روح كدا وانت اهبل
_انا عارف انى هفضل اتعاير يبني قولتلك البت قمر قمر...
_طيب دلوقتي الظابط كلمنى علشان ننفذ الخطه..
_طيب هخلص اللي في ايدي...
وجايلك..
_طيب هستناك...
وخرج حازم...
وهوا ماشي فى الطرقه..
سمع بنت بتغني. في مكتب المهندسين...
الصوت لفت انتباهه جدا...ودخل...
لان الصوت جذبه...
واتصدم لما شافها..
_معقول هى....
يارا_عبد_السلام
الجزء الاخير. دعوى_حضانه
وهوا ماشي فى الطرقه..
سمع بنت بتغني. في مكتب المهندسين...
الصوت لفت انتباهه جدا...ودخل...
لان الصوت جذبه...
واتصدم لما شافها..
_معقول هى....
اتعصب جامد ودخل..وبدأ يزعق
وراح ناحيتها وهي لما شافته اتخضت
_انتى هنا بتعملى اي يا حراميه انتى
قامت وهى متعصبه
_اي اللي انت بتقوله دا وانت مين اصلا
_انتى هتستهبلي انا اللي نصبتي عليه في العربيه يا حراميه فين العربيه بتاعتي
_مش معايا وانا مالى اصلا
_امال مع مين يعنى دانتى سنتك سوده معايا
العربيه معايا أنا
_عمر!
معاك ازاي انت اللى سرقتها
_ولى متقولش بعلمك الادب أو باخد حقى منك..
الصراحه انا عرفت اختار اللي تعمل معاك كدا..
اعرفك ياسمين أكفأ مهندسه عندى هنا وكانت أكفأ ممثله وأكفأ حراميه واحسن خطافة قلوب..
حازم بعصبيهانت لي عملت معايا كدا لي دا كلو علشان اللي حصلك
_لا يا حزوم انا كنت بعلمك الادب مش اكتر علشان
وقرب منه وهمس
متبقاش تدافع عن واحده حلوة تاني وتبطل عينك الزايغه ومتقلقش هجوزهالك...
حازمبجد..
عمرتاني مش هتتغير..
_فعلا انا هتغير وبصلها بس على أيدها
ايدك
_على اي
_العربيه
_مشكلتك يا حازم انك غبى والعربيه مركونه قدامك في الجراج بس هتعمل اي بتبقى داخل عامل زي العصفوره بتبص على دي شويه ودي شويه...
ربنا يهديك
_مهو هيهديني على أيدها جوزهالي بقى...
اه صحيح هوا الظابط اتفق معانا ازاي انا مش فاهم حاجه
_انت بقى متعرفش أن الظابط دا صحبي
_انت دماغك بقت سم يا عمر
_من اللي شوفته...
مشي عمر..
وحازم قرب من ياسمين..
تسمحيلي أعزمك عالغدا
_لا طبعا
_متخافيش والله غرضي شريف
_ازاي يعني
_عاوزك تغني
_فين
_في فرحنا
_اي!
_اي !
ياسمين اتكسفت وبصت في الأرض
_السكوت علامة الرضا خديلنا معاد مع الوالد الساعه ٧
ومشي...
عمر وصل مكتبه...
لقي شهد قاعده بتكلم نفسها..
_انا غبيه والله غبيه انا لازم اقولو بحبك خبط لزق كدا على طول...بس هوا بيكسفني كدا يخربيته ابن القمر دا...
عمر ابتسم...
وحمحم
شهد بصتله بصدممه
_انت سمعت حاجه من اللى قولتها دلوقتي
عمر ببراءهلا خالص انتى كنتي بتقولى اي مش عايزه اسمعه
اتوترت
_لا مفيش حاجه مكنتش عاوزه اقول حاجه...
_طيب..
ودخل المكتب وهوا مبتسم..
وطلبها.
وهي دخلت..
_نعم..
_عاوز قهوة
_لا لا لا بقى كدا كتير يعني هتفضل طول النهار تطلب قهوة ومتعجبكش مش لاعبه
يصلها وغمزلهالا هتعجبني بس حاسبي عالوش علشان عندنا في مصر اللي توقع وش القهوه متبقاش ست بيت شاطره..وانا الصراحه مش هاخد زوجه سكه.
_اي انت قولت اي
_بقولك اعملي قهوه
_لا اللي بعدها
_حاسبي عالوش
_يوووووه اللي بعدها بقى
_اه فهمتك يا لئيمه مش بحب اعيد كلامى مرتين..
وزعق_يلا هاتيلي القهوة
وبعدين قال بهدوءبس حاسبي عالوش يا زوجتي المستقبليه...
_اي!
شهد عينيها لمعت وابتسمت وحست انها عاوزه تطير وخرجت وجابتله القهوة وهى متوتره ومكسوفه
ودخلت المكتب وهي حرفيا كانت بتترعش..
وحطت القهوة..ولسه جايه تمشى لقت اللي مسك أيدها
_استني يا شهد
وقفت وهي مصدومه وقلبها هيقف من كتر دقاته وكمان أيده اللي مسكاها..يعيني عليه...
حاولت تطلع صوتها
شهد بتحشرجنعم
_هنقدري تكملى حياتك معايا..
_ها...انا
_بصي اهدي...
انا عاوز اقولك انك بتربطي نفسك بواحد عنده طفل وكمان حياته متدمره قبل كدا...هتقدري انك تكملى معاه في حياته دى وهتحبيه...
_انا اصلا حبيته وهوا كدا وهحبه اكتر واكتر من اول لما شوفتك اصلا وانا بحبك من غير معرف حياتك ولما عرفتها حبيتك اكتر وحاسه انى ممكن اعوضك عن اللي فات...
_انتى بجد مستوعبه اللي بتقوليه يعنى قادره تكملى معايا...
هزت راسها كأنها طفله...
فعلا انا كنت بتكلم معاها كأنها طفلتى. هى شكلها برى اووي وعفويه ودا اللي وقعني في حبها....
_انا عوزا اكمل معاك يا عمر عوزا ابقى معاك علشان انا بحبك...
قالتها ومشيت..
وخطفت قلبي معاها وهي ماشيه...
فعلا الحب ملهوش وقت ولا اسباب ولا بيتقاس بالايام ولا الأشهر بيتقاس بالإحساس...
انا عمري مكنت أتخيل انى ممكن احب تاني..هوا انا كنت حبيت اولانى اصلا!
انا حذفت كل اللي فات ومسحته بأستيكه وهبدا مع شهد صحيح هي العوض عن كل اللي فات...
عمر روح بليل...
وكالعادة جاب كوبايه الشاي وخرج يشربها في البلكونه...
وهى كانت واقفه كأنها مستنياه...
وهوا وقف...
وفجاه قال
_على فكره انا كمان بحبك...
_قول والله
_والله
_بجد
_بجد يبنتي في اي
_طيب ثوانى...
دخلت جوا وجابت البوم كبير كدا...
وفتحته وطلعت كل صورنا واحنا صغيرين انا وأخوها وحازم مع بعض...
وفي صورة ليا وليها وانا شايلها بحنيه..
_من يوم ما شوفت الصورة دي وانا بحب نظرتك دي وحاسه انك الوحيد اللي حبتنى وانا صغيره...
_ياااه الصور دي من زمان
_بس دائما معايا ودائما في قلبي..
انت عارف انا قضيت مراهقتي في اي
_اي
_اني احبك واكراش عليك
_انتى مجنونه بتكراشي على صورة وبتحبي مجهول
قدري مكنتيش شوفتيني
_لا انا كنت دائما يدعى ربنا انى اشوف الشخص اللي خطف قلبي دا وأشوف الشخص الحنين دا ودعيت كتير اووي انك تكون من نصيبي عارف كنت مثلا ساعات بتخيلك مع واحده غيري....
كنت بقول لو شوفتها هجيبها من شعرها...
والحمدلله مشوفتهاش
_يا ساتر يشيخه
_انت عاوز اشوف الشخص اللي فضلت طول عمري احلم انى اشوفه واشوفه مع غيري
_ارضي بنصيبك..
_لا مخلاص بقى طلع بيحبني
_وانا متاكد ان اختياري صح
_انتى صحيح عندك كام سنه
_٢٣
_ياااه عنستي
_نعم يا اخويا دانا كانت الجامعه كلها بتجري ورايا وانا بس اللي كنت برفض
عمر بغيرهنعم جامعه اي اللي بتجري وراكى لى انتى كنتي عامله ازاي
_كككنت عادي والله
_لا مش عادي
_بتغير عليا
_يوووه لو سمحتى يا شهد طريقة كلامك تتعدل برا البيت عاوز جعفر برا وممنوع الضحك علشان ضحكتك حلوة وممنوع الكلام علشان صوتك حلو وممنوع تفكى شعرك وتسيبيه علشان شكله بيبقى حلو اقولك انتى
متابعة القراءة
