رواية دعوي حضانه كاتبة يارا عبد السلام

بالسهولة دي فاستخدم الاسلوب دا علشان تخاف على اخوها وتوافق....
شهد عينيها دمعت وخافت على اخوها لأنها بتحبه فقالت...
موافقه بصوت غير مسموع وحست أن الدنيا بتلف بيها وأنها خلاص قربت تنهار بس لسه بدري شويه...
_تمام يا حلوة من بكرا الصبح الاقيكي في الشركه مرتبه المكتب ومجهزه كل حاجه تمام علشان نبدا شغل ونشوف هتعمل اي ماشي
_تمام تمام 
وقامت من مكانها
_انتى رايحه فين
_هروح شقتي 
_لا استني الدكتور يتطمن عليكي الاول
_لا ملوش لزوم وشكرا لخدماتك انا في غنى عنها وانا اعرف اعتني بنفسي كويس 
عمر قرب منها...
_قولتلك استني 
_وانا قولت مش هستني
عمر بص في عينيها وهي بصاله بتحدي حس أن الموضوع صعب بالنسبه ليه وان الموضوع مش مجرد انتقام الموضوع اكبر من كدا...
_شهد ممكن تهدي
نطقه لاسمها حست برعشه في جسمها غير طبيعيه وقلبها دق اي الفرق بينه وبين اي حد متعرفش.....!
_مش ههدي وانت مالك اصلا مش انا دلوقتي واحده شغاله عندك يبقى مخصكش ممكن تعديني
_مش هتعدى الا لما يجي الدكتور واتطمن عليكي قولت 
_تطمن عليا لي هوا انا اهمك ولا اخصك انت واحد أنانى وبس وانا بكرهك من اول يوم شوفتك فيه وزاد كرهي ليك دلوقتي ممكن تعديني 
اول لما شاف الدموع في عينيها حس أن الدنيا قفلت حواليه وحس أن قلبه وجعه ونغزه غير طبيعيه اول مره يحسها مش عارف هوا لي بيحصله كدا ولى متاثر بيها كدا...
لقى نفسه بيوسعلها وهوا بيردد في باله مينفعش مينفعش ايوا مينفعش يحس تجاهها الاحساس دا دي اخت شادي اخت شادي اللي دمرله حياته عارفين يعني اي !
شهد دخلت شقتها. وقفلت الباب وسندت ضهرها عالباب وبدأت تبكي زي الطفله ايوا زي الطفله قعدت على الأرض وضمت رجليها ليها وبتبكي على حالها واللي وصلتله واللي بقت فيه واللي اخوها عملوا معاها هوا عمره مكان معاها طول عمرها وهي لوحدها مش ذنبها انها لوحدها واهلها م١تو وسابوها للدنيا شويه عمها وشويه اخوها واستمرت في البكا لحد منامت في مكانها أو اغمى عليها.....
في صباح يوم جديد.
استيقظ عمر وهوا متضايق ميعرفش ماله من امبارح من ساعت مشاف دموعها وهوا زهقان ومتضايق...
هوا انا لي بيحصلي كدا يارب انت قادر على كل شيء ساعدني يارب..
خرج وألقى الصباح على أمه
_مش هتاكل يا ابني
_لا يا امي معلش عندى شغل مهم هبقى أفطر في المكتب سلام وخلي بالك من يحيي...
_ماشي يا ابني في رعاية الله....
خرج برا وفي الوقت دا خرجت شهد من الشقه 
بصتله بقرف ونفخت بضيق ونزلت قبله 
وهوا نزل 
انا شكلى هتعب معاكى وانتى اللي هتعلميني الادب مش انا..
نزل وراح الشركه ووصل لقاها لسه موصلتش 
_اه أبتدينا ماشي لما تيجي 
بص لقاها جايه وبتضحك مع حازم وعادي 
ميعرفش لي اتضايق بس حلف انو هيطلع دا عليها
_ممكن اعرف انتى كنتي فين
_اممم كنت بتفرج عالشركه مع استاذ حازم
_واستاذ حازم سايب شغله وبيفرجك عالشركه 
_اممم انا اللي طلبت منو وبطبيعة شغلي وكدا لازم اعرف الشركه كلها واتعرفت كمان عالموظفين
_طيب تعالى ورايا بقى علشان نبدا شغل وانت يا حازم اتفضل على شغلك
حاضر..
دخلت وراه المكتب 
_امممم من النهارده وانتى المساعد بتاعى واي حاجه هطلبها هتنفذيها
شهد في بالهادانا اللي هوريك نجوم الليل بس صبرك عليا مش انت شغلتني غصب عنى هنا صبرك عليا مش شهد اللي يتعمل معاها كدا...
_انتى روحتي فين 
_نعم
_بقالي ساعه بكلمك وقولتلك روحي هاتيلي قهوه
_حاضر
نبدا بالخطه رقم ٤١٧ يعيني يا عمر باشا هقهقهقهق
راحت جابت القهوه ووصلت المكتب وعلى وشها ابتسامه خبيثه...
_اتفضل القهوه 
وهوب القهوه وقعت على عمر 
_اوبس انا اسفه والله مكنش قصدي
وعمر من كتر السخونيه وقف وبقى يزعق
_انتى عاميه ولا حماره ولا اي ملتك مبتشوفيش البسي نضاره ولا روحي تتعالجى
وفي الوقت دا حازم دخل
_الحق يا عمر ريهام عملت حادثه ودلوقتي في المستشفي
_اي في المستشفى مستشفى اي...بسرعه...
يارا_عبد_السلام

الجزء السادس عشر... دعوى_حضانه
_الحق يا عمر ريهام عملت حادثه ودلوقتي في المستشفي
_اي في المستشفى مستشفى اي...بسرعه...
_مستشفى
_طيب انا هروح وانت خلى بالك من الدنيا
_تمام اجى معاك
_لا يا حازم مش ضروري
وعمر مشى...
وشهد استغربت هوا لى مشي بسرعه كدا ومين ريهام دي واي علاقتها بيه الفضول خلاها تسال حازم.....
_احم استاذ حازم ممكن سؤال
_اتفضلي
_هي مين اللى استاذ عمر راحلها دي
_دي اللي كانت مراته 
_اها يعنى مامت يحيي بس شكله بيحبها
حازم يصلها كدا..
_اه كان بيحبها والله اعلم باللي حصلها...
_ربنا يقومها بالسلامه..
_يارب...
شهد متعرفش هي اتضايقت لي لما عرفت أن عمر بيحبها ومتعرفش برضو اي سبب انفصالهم وهل هم ممكن يرجعوا لبعض ولا لا....
جت في بالها تساؤلات كتير بس ختمتها ب مليش دعوة وانا اشغل بالي بيه لي انا يكرهه!
في الوقت دا وصل عمر المستشفى...
_فين اللي جايه في حادثه النهارده 
_الاسم
_ريهام عبد الفتاح
_اه حضرتك دي في العنايه المركزه في الدور الثاني
_تمام شكرا
طلع ووصل..
كان في ممرضه واقفه
_لو سمحتى انا عاوز اشوف ريهام عبد الفتاح
_يااه تقريبا دي الحاله اللي جت النهارده الفجر...دي تقريبا كانت سكرانه وعملت حادثه جامده اوووي ويعيني لحد دلوقتي محدش عارف مالها كل اللي بتقوله سامحنى يا عمر وبحبك يا يحيي
_طيب ممكن أشوفها
_للاسف دي اوامر دكتور أن محدش يشوفها اتصلنا كتير على حد من اهلها مفيش
_طيب انا عمر ممكن تخليني أشوفها...
_طيب ثوانى اجيب الدكتور يدخلك
_تمام...
لى يا ريهام عملتي كدا لي وصلتينا للحاله دي يا خساره يا ريهام يا خساره...
الدكتور جه..
_هوا حضرتك استاذ عمر
_ايوا ممكن ادخلها
_ايوا اتفضل انا مستنيك اصلا...
بص هى دلوقتي يتصارع الموت فأنت حاول متجهدهاش اوك
_تمام 
عمر دخل عليها مينكرش انها صعبانه عليه ومينكرش انو افتكر كل حاجه حلوة بينهم وتقريبا نسى اللي عملته...
_ريهام
فتحت عينيها وبصتله
_عمر انا انا اسفه انا اسفه اسفه على كل اللي عملته اسفه اني مصونتكش اسفه انى خليتك تعاني واسفه انى مخدتش بالي من يحيي واسفه للي وصلتك ليه واسفه على كل حاجه...
_طيب ممكن تهدي يا ريهام ممكن متتكلميش علشان كدا مش كويس علشانك..
_ارجوك يا عمر سيبني اتكلم....
انا شايفاه جاى ياخدني شايفاه وهوا مش راضي عنى بحاول اعمل حاجه كويسه قبل مروحله انا عارفه انى عملت حاجات كتير غلط وصلت بيا للخيانه هوا ممكن يسامحنى...
_هوا غفور رحيم يا ريهام واكيد هيقبلك بس انتي أهدى
_خلي بالك من يحيي يا عمر انا كنت بساومك عليه كنت عوزا منك فلوس كنت كل همى الفلوس وشهواتي واللي نفسي فيه لكن عمري مبصيت انى اكون ام وزوجه انا عارفه انك حبتني يا عمر لكن انا كنت وخداك عند وانا اسفه اسفه على كل دا...
اخر مره بقولك خلي بالك من يحيي يا عمر وانا متأكدة انك هتلاقي البنت اللي شبهك وهتصونك لانك تستاهل احسن حد في الدنيا...
_طيب اهدي 
_خلاص يا عمر هوا جه انا ماشيه والحمد لله انى شوفتك قولى انك سامحتنى
_سامحتك يا ريهام
_الحمد لله سلام يا عمر انا عارفه اني مش هقابلك تاني علشان انت هتكون في الجنه...باي
وفي الوقت دا الجهاز صفر بيعلن توقف ضربنات القلب...
_الله يرحمك يا ريهام...
الدكتور جه واتأكد من موتها...
وطلب معلومات عنها وعمر اداهم كل المعلومات 
_كدا يا استاذ عمر بكرا الصبح المفروض يكون حد من اهلها هنا يستلمها
_احم والدها في السجن ووالدتها