قصة قلب مېت

معاها وهو مستغرب صوتها كان مضايق ياترى فى ايه
روايه عشق ال ادهم ..
الحلقه الرابعه عشر ..
بليل اتقابل ادهم مع اسر وراحوا اعدوا فى كافيه
اسر خير يا ادهم مالك.
ادهم مش عارف يبدأ منين وساكت
أسر ايه يابنى انت جايبنى تسمعنى سكوتك
ادهم مره واحده قاله انا عايز اتجوز همس ياأسر
اسر ضحك طيب ماتقول كده على طول ياعم وبعدين مانا واخد بالى
ادهم فى ايه هو انا باين عليا قوى كده كل لما اقول لحد يقولى عارف
اسر ضحك قوى شكلك مفضوح قوى يا ادهم وصدق الى قال الى يحب يبان فى عنيه
ادهم ضحك هو كمان طيب ايه رئيك
أسر إذا كان عليا موافق طبعا المشكله مش فيا
ادهم باحباط عارف ان همس مش عايزه تتجوز بس اعمل ايه ادينى هحاول معاها وربنا يسهل
أسر ادهم لو بتحب همس بجد متعملش مجرد محوله لا خليك وراها لحد لما توافق
ادهم طيب مش يمكن تكون مابتحبنيش
أسر مافتكرش
ادهم بفرحه بجد ياأسر هى قالتلك حاجه
أسر لا بس انا عارف اختى واقدر اقولك انها بتحبك
ادهم يعنى اكلمها
أسر كلمها وربنا معاك يابطل وانا من نحيتى هكلمها انا كمان وربنا يسهل
ادهم عموما هى كانت قالتلى انها عايزانى فى موضوع بس مش عارف فى ايه
أسر استغرب ليه حصل حاجه
ادهم لا حور وادم كلمونى وبعدين لقتها بتقولى عايزه اتكلم معاك
اسر بتفكر مش عارف يا ادهم روح يابطل وربنا يعينك
ادهم ادعيلى ياأسر ربنا يهديها
أسر يارب يفرحكم ياحبيبى يارب
ادهم يارب
تانى يوم طول الوقت همس متوتره وعماله تفكر هتقوله ايه لحد ماخلصت الشغل ولقت ادهم اتصل بيها
ادهم الو ايوا يا همس خلصتى
همس اه خلاص انت فين
ادهم قدامى عشر دقايق واكون قدام
الشركه
همس تمام هستناك
ادهم قفل معاها وهو كمان عمال يفكر ياترى عايزاه ليه وصل ادهم واتصل بيها تنزلوا نزلت همس وركبت العربيه مع ادهم 
همس ازيك يا ادهم عامل ايه
ادهم بصلها كانت جميله قوى الحمد لله كويس تحبى نروح فين
همس اى مكان
ادهم 
طلع بالعربيه وراح للكافيه الى متعود يروحه نزل وفتحلها الباب نزلها ودخلوا الكافيه قعدوا وبصلها
ادهم تشربى ايه
همس توترها بيزيد وقلبها عمال يدق ولا حاجه
ادهم ازاى يعنى لازم تشربى حاجه اجبلك ليمون يهديكى
همس بصتله يهدينى ليه مالى
ادهم ابتسم انتى مش حاسه بنفسك متوترا ازاى
همس بصت لبعيد وحاولت تهدى ضربات قلبها ادهم طلبلها الليمون وطلب ليه قهوه شربت الليمون يمكن فعلا تهدى وطول الوقت ساكتين
ادهم احنا ساكتين ليه المفروض انك

عايزانى فى موضوع
همس مش عارفه تبدا منين ادهم انا عارفه انك بتحب حور وأدم ودى حاجه مقدرش أنكرها ابدا بس فى مشكله انت مش اخد بالك منه ا
ادهم مشكلت ايه يا همس 
همس بصتله بۏجع انت مسيرك تبعد عنهم وانا مش هقدر اشوفهم تعبانين نفسيا تانى علشان هما تعلقوا بيك جدا وانت غلطت لما سمحتلهم يقلولك يابابا
ادهم ومين قالك انى هبعد عنهم يا همس 
همس بۏجع اكتر بصت للارض هتبعد لما تتجوز يا ادهم ويكون ليك حياتك
ادهم فهم هى ليه مضيقه همس ممكن تبصيلى
همس بصتله ادهم ابتسم وقالها بصوت هادى انا عمرى ماهبعد عنكم ابدا يا همس 
همس انا سمعتك بتقول انك هتتجوز قريب
ادهم مانا مش هتجوز الا لو انتى وافقتى
همس بصتله قوى اوافق على ايه
ادهم توفقى تتجوزينى
همس سهمت ومعرفتش ترد وهو كمل
ادهم انا بحبك يا همس بحبك من اول مره عينى جات عليكى يوم فرح اياد من يومها وانا حالى متلخبط ومش عارف اركز فى اى حاجه وحبيتك اكتر لما قربت من حور وادم وكل الى بتمناه انكم تكونوا عيلتى وجنبى على طول
همس لسه ساكته وقلبها عمال يدق ومش عارفه تقوله ايه بس هى معندهاش استعداد تتوجع تانى طيب اول مره مكانش فارق معاها وتوجعت المرادى هتعمل ايه
ادهم لما سكوتها طال قبله دق پخوف انها ترفض همس ممكن تردى عليا
همس بصتله ادهم انت بنى ادم محترم جدا وانا مقدره الى انت عملته مع عيالى بس انا مش عايزه اتجوز انا عندى عيالى مينفعش اتجوز لازم يكون اهتمامى بيهم لوحدهم
ادهم بدأ يتعصب مين قال كده حور وادم محتاجين
اب يا همس محتاجين يحسوا ان ليهم ضهر وسند
همس وانت هتكون الضهر والسند ليهم مافتكرش يا ادهم اذا كان ابوهم باعهم سورى ياعنى انا اسفه اكيد هيجى عليك وقت وتزهق منه م
ادهم بضيق انتى للدرجه دى شيفانى تافه ومش حمل مسئوليه يا همس 
همس بسرعه لا يا ادهم انت احس وارجل حد شفته فى حياتى انت تستاهل تعيش مع واحده تكون انت اول واحد فى حياتها
ادهم بس انا بحبك انتى ومش عايز غيرك انا عمرى مافكرت اتجوز الا لما قبلتك
همس وانا مش هقدر اتجوز يا ادهم انا اسفه عن اذنك
وسابته ومشيت نده عليها تستنى مردش عليه وركبت تاكس وروحت
ادهم اعد مكانه مهموم هو كان عارف انها هترفض بس كان عنده امل توافق ركب عربيه وروح دخل ل اياد 
اياد اول لما شافه