قصة قلب مېت

الله يبارك فيك يا غالي عقبالك
ادهم انشاء الله قريب المهم العيال جهزوا
همس كانت خارجه من الاوضه بالعيال وسمعته وهو بيقول قريب قلبها ۏجعها وكانت عايزه ټعيط بس مسكت نفسها
حور وادم اول لما شافوا ادهم جريوا عليه
حور عمو ادهم وحشتنى قوى
أدم عمو أتهم حستنى
ادهم اخدهم فى حضه وانتوا كمان وحشتونى قوى
اسر بص ل همس بمعنى ان فى واحد غريب بيهتم اهو همس فهمته وبصت للارض
ادهم قام وبص ل همس حس ان فى حاجه مضيقها ازيك يا همس عامله ايه
همس الحمد لله كويسه انتوا هترجعوا على امتى
ادهم ليه فى حاجه
همس لا ابدا علشان نزلين نجيب شبكه اسر وقالتله بۏجع عقبالك
ادهم اتجاهل عقبالك لانه عايز يقولها ياريت توافقى طيب لو مش محتجاهم معاكى خلصى وكلمينى اجبهم
همس انا كده كده كنت هسيبهم مع ماما
ادهم خلاص يبقى تخلصى وتكلمينى اجبهم يلا سلام احنا
واخدهم ونزل همس اعدت وبصه للارض وكلمته بتتردد فى عقلها قريب انشاء الله يعنى ايه هيجوز فعلا رجعت قالت لنفسها طيب وانا مالى هو حر بس انا ليه قلبى وجعنى كده
اسر شافها كده وعرف انها فى سراع مع نفسها حب يخفف عنها همس مالك ياحبيبتى
همس انتبهت ها قولت حاجه
اسر بقولك مالك يا همس 
همس مافيش انا كويسه اهو احنا
هننزل امتى
اسر عرف انها عايزه تغير الموضوع هننزل على ٧ الا ربع علشان نوصل لنور ٧
همس قامت طيب انا هقوم اريح شويه على مانيجى ننزل
ودخلت وعيون اسر عليها ربنا يهديكى يا همس 
همس دخلت نامت على سريرها وفضلت باصه للسقف وبدات رحله تفكرها مع نفسها زى كل يوم
_
عند ادهم وصلوا الملاهى وفضلوا يلعبوا ويتنتطوا وكانوا مبسوطين جدا ادهم اخدهم على الكافيه
ادهم ها اطلبلكم ايس كريم ولا عصير
حور انا عايزه ايس كريم شوكلت
أدم واتم تمان عايس ايس تييم
ادهم ضحك عنيا حاضر طلب الايس كريم وبص لحور لقاها سرحانه مالك ياحور انتى مش مبسوطه
حور لا انا مبسوطه خالص
ادهم اومال مالك ياقمر
حور بزعل اطفال كان نفسى
انت تبقى بابايا وتفضل معايا على طول
ادهم قلبه وجعه عليها وانا كمان ياحور نفسى اكون انا باباكى
حور بفرحه بجد يعنى ينفع اقولك بابا ويبقى عندى بابا زى اصحابى
ادهم اكيد ينفع طبعا
حور قامت انا بحبك قوى يابابا
ادم قام هو كمان وصمم اكتر من الاول انه هيفضل ورى همس لحد لما توافق حتى لو وصلت انوا يخطفها
اسر اخد همس وراح لنور اخدها هى ومامتها وراحوا اشتروا الشبكه همس كانت فرحانه لاخوها وهى شايفه فرحته بنور الى باينه فى عيونه خلصوا ووصل نور وماماتها وروحوا
اسر ل همس هتكلمى ادهم علشان يجيب حور وادم
همس اه هتصل بيه اهو
واتصلت بيه الو ايوا يا ادهم احنا خلاصنا وفى البيت دلوقت انتوا خلصتوا
ادهم اه نص ساعه ونكون عندك
همس تمام تيجوا بالسلامه
ادهم بحب الله يسلمك مش محتاجه حاجه اجبهالك
همس بتوتر من عيون اسر الى عليها ها لا شكرا عايزه سلامتك مع السلامه
قفلت وبصت لاسر لقيته مبتسم على منظرها سابته بغيظ منه 
ودخلت الاوضه
نص ساعه وكان ادهم وصل وكالعاده شايل

حور وادم الى تعبوا من اللعب وناموا فى الطريق فتحت همس الباب لقته شايلهم ابتسمت و دخلته نايمهم مكانهم وخرج كانت هناء طلعت هى واسر
هناء المرادى مش هتنزل الا لما تشرب حاجه
ادهم باستسلام حاضر ياست الكل لو ينفع يبقى فنجان قهوه
هناء عنيا ياحبيبى هعملك قهوه
همس خليكى انتى ياماما انا هعملها تشرب حاجه يااسر
اسر انا كمان قهوه ياحبيبتى
ادهم بص لاسر بغيره هى حبيبته هو وبس حاول يدارى انه مضايق بس كان خلاص شافه اسر وعرف انه غيران وكان عايز يضحك بس مسك نفسه
هناء كمان شافت غيرته فى عنيه وفرحت قوى احنا تعبينك معانا والله يا ادهم 
ادهم تعب ايه بس دانا ببقى مبسوط جدا وانا معاهم ربنا عالم
هناء يالا عقبال ما ربنا يرزقك بالذريه الصالحه يارب
ادهم سكت وشويه و همس طلعت بالقهوه اعدوا مع بعض شويه يتكلموا على خطوبه اسر وهيعملوا ايه ونزل ادهم 
هناء بصت ل همس ابن حلال ربنا يكرمه وبيحب العيال قوى
همس اه فعلا انا هدخل انام تصبحوا على خير
اسر وهناء وانتى من اهله
دخلت همس وهناء بصت لاسر وبعدين يااسر هنفضل سيبنها كده
اسر مالها بس ياماما
هناء يابنى دى لسه في عز شبابها هتفضل عايشه لوحدها
اسر قام ايد امه سيبها على الله ياماما وان شاء الله خير يالا تصبحى على خير
هناء بقلة حيله وانت من اهله يابنى
تانى يوم عند اياد منه حبت تعمله مفجاه راحتله المكتب ولسه يادوب هتدخل لقته واقف مع واحده بيضحكوا دخلت عليه ووشها بيطلع ڼار اياد اول لما شافها فرح جدا
اياد منه ايه المفجاه الحلو دى تعالى
منه بصت للى معاه من فوق لتحت مش هتعرفنا
اياد ابتسم على منظرها لانه عارف انها غيرانه اه دى ريم مهندسه معانا فى المكتب
ريم مدت ايدها بابتسامه اهلا وسهلا يانسه منه نورتى
منه انتى عرفانى
ريم اه طبعا البشمهندس