شفت بنتي
المحتويات
وشهاب..
منال
وانتي كمان يا حبيبتي بس ايه المايه اللي في هدومك دي كلها..
قبل ما ترد لانا قالت الجده
دي يا حبيبتي بس عشان الشقاوه راحت تغسل وشها فضلت اقولها يهديكي يراضيكي اغسلك انا رفضت واهو النتيجه..
منال
بقي كده يا لانا بعد كده تسمعي كلام تيته عشان هي خاېفه عليكي ماشي يا حبيبتي..
لانا بدموع
منال
بس كده من عينيا يا نور عينيا بعد اذن حضرتك يا طنط بس هاخدها معايا..
الجده
طبعا يا حبيبتي دي بنتك برضو بس بقولك ايه امانه عليكي ما تخليهاش تتأخر عليا وهتيهالي دي هي اللي مهونه عليا غياب المرحومه..
منال
من عينيا والله اهي شويه عندك وشويه عندنا وربنا يكتر من حبايبها.. وفي الوقت ده طلعت عزه وقالت..
اهلا اهلا يا منال منورانا..
منال
بنورك يا عزه عامله ايه وجوزك عامل ايه مش كويسين.
عزه
ايوه الحمد لله احنا بخير الحمد لله والبقاء لله في اخوكي..
الجده
ايوه والنبي نسيت اقولك البقاء لله وابقي عزي امك انا لولا الخشونه اللي في رجلي والله كنت روحتلها وفضلت جنبها..
منال
الجده
خدي يا عزه بنت الغاليه غيري ليها هدومها عشان تروح مع امها..
عزه
حاضر يا ماما من عيتيا يلا يا لانا يا حبيبتي... وخدتها جوه..
وطلعت منال الفلوس وقالت
اتفضلي يا طنط مراد باعت لحضرتك الفلوس دي تقريبا كان مستلفهم منك..
الجده
ايوه ايوه قوليلو حماتك بتقولك شكرا وربنا ما يخليك مجبور الخاطر ابدا..
يا رب يا طنط ويخليكي لينا... وطلعت لانا واخدتها منال واخدت شهاب ومشيت..
عزه
انتي ليه بس اخدتي الفلوس يا ماما والله انا وشي بقي في الارض من مراد ومراته..
الجده
بس يا بت انتي ده اقل واجب مش كفايه سيباله بنت بنتي والمفروض انها تكون في حضانتي..
عزه
والله الافضل ليها انها تقعد مع ابوها وانا وانتي عارفين كده وحتي عشان خاطر المرحومه..
اقعدي بس انتي وقوليلي ما نفسكيش تلبسي دهب وتتصيغي و..
عزه
انا كل اللي عايزاه اجيب انا وجوزي شقه بعيد عن حماتي وو..
الجده
يا اختي في داهيه جوزك كله ما انتي لو كنتي مش متجوزه كان زمانك مكان منال دي وبتربي بنت اختك..
عزه
يووه يا ماما تاني الكلام ده انا بحب جوزي ومش هتطلق منه تمام كده.. ودخلت جوه..
اما نشوف يا عزه ان ما خليتك تتجوزي مراد وتسيبي الكحيان جوزك ده ما ابقاش انا..
_ وفي بيت اخو منال كانت قاعده منال مع رحمه مرات اخوها وقالتلها.
رحمه
بلاش والنبي تزودي الكلام بتاعك علي ماما دي فاكره انك مش زعلانه علي اخوكي الله يرحمه..
منال
يعلم ربنا الحزن اللي دخل قلبي بعد اخويا الله يرحمه بس انا لو بقولها كده بس عشان تعرف ان الله حق وتبطل تقولي موضوع اني اخلي مراد يكتب كل حاجه باسم شهاب ابني..
رحمه
اللي حصل لاخوكي كسرها هي لا هتقول ولا هتعيد تاني المهم دلوقتي انتي تخلي بالك من نفسك ومن بيتك وتبريها وتعوضيها عن غياب اخوكي..
منال
حاضر يا رحمه واسمعي مني انا عارفه امه مش وقته بس ياريت تنسي كلام ماما وتفكري في نفسك انتي صغيره و..
رحمه بحزن
لا يا منال انا مش هفكر اكون مع اي راجل بعد اخوكي ده كان ليا الزوج والاخ والاب والسند..
منال
انا بس يا حبيبتي مش عايزاكي تظلمي نفسك و..
رحمه
ايه بس االكلام الغريب ده هظلم نفسي ازاي بس وانا معايا ولادي يا منال ده انا عايشه بيهم وعشانهم خلاص.. وبعيد هو ده وقته الكلام ده
أما مش عايزه اتكلم في اي حاجه الله
متابعة القراءة
