رواية جديدة شيقة جدا وممتعة بقلم ملك محمد
المحتويات
زي اختي بالظبط
ملاك طب وهي بتعتبرك اخوها
اياد اكيد
ملاك بتنهيده وهي تنظر له ممكن
ثم أكملت أكل الأيس كريم
اياد كان ينظر لها بحب
ملاك لاحظت ذلك فقالت
الأيس كريم ساح على ايدك هتفضل تبصلي كتير
اياد بإبتسامه مد الأيس كريم الخاص به لها
ملاك بتعجب اي
اياد خدي ال بالفانليا
ملاك بتعجب بس دا بتاعك
ملاك بذهول بس انا كلت منه
اياد ببرود مانا عايز أكل مكانك عندك مانع
ملاك شعرت بالإحراج فأدارت وجهها ف الجهه الآخرى وابتسمت بكسوف
اياد تعرفي انا كنت ناوي ارجع وأكسرلك دماغك بس ال خلاني هادي كدا اني ملقتكيش ماشيه معاه
ملاك پخوف وضعت يدها على رأسها
اياد بجديه خدي بالك بقى بعد كدا علشان.....
فجأه يقطع حديثه صوت إتصال هاتفه
اياد الو يا سميحه
المربيه الحقني يا اياد بيه يوسف سخن جدا والحراره مش عايزه تنزل
اياد وقف بعصبيه انتي ازاي متقوليش ليا من بدري
المربيه مانا رنيت عليك بس انت باين مشوفتش الموبايل دا غير ان حضرتك اتأخرت اوي النهارده
ملاك ركضت خلفه قائله
في اي يا اياد
اياد پغضب يوسف تعبان لازم اخده للدكتور هتروحي ولا هتيجي معايا
ملاك اكيد هاجي معاك اطمن عليه
ف المنزل وبعد الكشف على يوسف والأطمئنان عليه
اياد تذكر ان هاتفه رن ولكنه كان يتحدث مع ملاك فلم يلقي له بالا
يوسف نظر لملاك قائلا
مين دي
اياد دي خطيبتي وهتبقى مامتك مش انت كنت عايز ماما
ملاك كانت تجلس ولم تنطق بكلمه
يوسف بحزن هي دي بقى ال مخلياك مش مهتم بيا مش كدا
اياد لا لا الموضوع مش كدا
يوسف انا مبحبهاش ومش عايز اشوفها
ملاك شعرت بالإحراج فخرجت من الغرفه وتركتهم
اياد ع فكره يوسف ميقصدش انا متأكد انه لما يعرفك هيحبك
ملاك بإبتسامه عادي انا
مش زعلانه منه دا طفل اهم حاجه خلي بالك منه وابقى طمني عليه
ثم جذبت حقيبتها وارتدتها
اياد بلهفه هتمشي
ملاك اها انا اتأخرت اوي على ماما
اياد جذب جاكته من ع الكرسي قائلا
استني هوصلك
اياد بحزن طيب خدي بالك من نفسك وطمنيني عليكي اول لما توصلي
______بقلم ملك محمد__________
ف المنزل كانت ملاك تجلس على سريرها وتتذكر ما حدث اليوم مع اياد
فجأه تدخل عليها والدتها
القمر صاحي ولا نام
اعتدلت ملاك في جلستها قائله
ماما تعالي انا صاحيه
اقتربت والدتها وجلست بجانبها على السرير قائله
اي ال مسهرك لدلوقتي
ملاك بإبتسامه مفيش مش جايلي نوم مش اكتر
والدتها مش جايلك نوم بردو ولا بتفكري فيه
ملاك ابتسمت ونظرت لأسفل
والدتها بلطف لما انتي بتحبيه كدا ليه رفضتي عرض الجواز منه
ملاك بتنهيده خاېفه ياماما معرفش ليه هو اه بيحبني وانا بحبه بس السنين ال بعدناها عن بعض اكيد غيرة فيه حاجات وغيرتني انا كمان
والدتها طب واي يعني يابنتي ماكلنا بنتغيير بس اهم حاجه الحب متغيرش
ملاك بشرود مش عارفه بس اياد دلوقتي مسؤل عن طفل والطفل داه ممكن ميقبلش بوجدي ف حياته وكدا اياد هو ال ھيتعذب ف النص
والدتها متفرضيش حاجات محصلتش الطفل لو اتعود عليكي هيحبك مع الوقت
الحب مش سهل نلاقيه ولو لاقناه لازم نعمل كل ال نقدر عليه علشان نحافظ عليه
نهار يوم جديد ف الشركه
طلب اياد ان يرى ملاك في مكتبه
ملاك ذهبت له ودخلت عليه فوجدته ينظر ف الملفات فقالت
احم انا هنا يافندم
اياد بإبتسامه تعالي عايزك
ملاك اقتربت منه
تحت امرك
اياد اي جو الرسميات داه دانا محضرلك مفاجأه النهارده
ملاك بتعجب مفاجأه ! مفاجأة اي
انا لو قولت مش هتبقى مفاجأه
ملاك ببراءه لا قول عايزه اعرف بجد انت عارف اني فضوليه
اياد انتي فضوليه وزنانه كمان طيب المفاجأه ياستي اني هعلن عن خطوبتنا النهارده ف الشركه
ملاك بذهول ها
اياد مصدومه كدا ليه المفاجأه مش عجبتك
ملاك بتوتر لا مقصدش بس انت فاجئتني
اياد بإبتسامه النهارده هلبسك خاتم الخطوبه علشان الكل يعرف انك تخصيني ومحدش يقرب منك فاهمه
ملاك بس انا كان نفسي ماما تكون معايا ف مناسبه زي دي
اياد اطمني هنعلن عن خطوبتنا هنا وهنكمل فرحتنا مع والدتك انا مستحيل انساها
ملاك بإبتسامه دايما مش ناسي حاجه كدا
اياد نظر ليوسف قائلا اوعى تكون عملت شقاوه انت لسه تعبان
يوسف تؤ تؤ انا ولد شجور
نرمين مغلبنيش خالص ع فكره
ملاك بتعجب هو يوسف هنا معاك من امتى
اياد بغمزه جبته علشان تاخدو ع بعض اكتر
ملاك بس هو كان تعبان جامد امبارح عامل اي دلوقتي
اياد بقى احسن بكتير الحمدلله انا عايزك بس تاخديه معاكي شويه ف مكتبك
ملاك بسعاده اكيد طبعا انا متأكده انه هيتبسط معايا
نرمين كانت تشعر بالغيظ لكنها لم تظهر هذا
ايادو صحيح الملف ال طلبت تصحيحه امبارح خلص ولا لسه
اياد نظر لملاك قائلا الملف انا بعتهولك تصححيه خلص ولا لسه
ملاك اها خلص ثواني وهجبهولك
ثم ذهبت لمكتبها لتجلب الملف
لكنها لم تجده
ملاك ظلت تبحث عنه بهروله وهي تحدث نفسها قائله
انا فاكره اني خلصته وحطيته
متابعة القراءة
