قصة دكتور رفعت
المحتويات
_مفيش حد بيصور خيبته ويقول للناس تعالوا إتفرجوا على خيبتي.
بس الحياة بتاعتهم مثالية أوي أوي بجد.
_حياتهم مثالية من برا الفلاتر اللي قرروا يحطوها على حياتهم هي اللي مثالية مش حياتهم.
أنا هعتزل السوشيال ميديا خالص تعبت أعصابي.
_مش همنعك من التجربة لو ده الحل من وجهة نظرك إعتزليها شوفي النتيجة إيه..
إكتشفت إن حياتي كانت فعلا كلها سوشيال!
مش لاقية حياة ليا من غيرها!
أنا مش مرتاحة في الحياة الطبيعية بسبب إن كل حاجة بقت سوشيال ولا مرتاحة في السوشيال طب الحل فين!
رجعت تاني للكوتش بتاعتي وكانت حالتي متقلش عن آخر مرة ويمكن أسوء!
مش باين عليا ولا إيه!
ضحكت ضحكة إستفزتني أوي..
_لأ باين متقلقيش.
أنا مش عارفة أعمل إيه الحياة عالسوشيال مهلكة مهلكة لأبعد الحدود كل الناس مثالية أخبار وحشة ناس بټموت ناس بتسافر قارات العالم في شهر وأنا بتفرج على كل دول!
والحياة في الواقع من كتر ما كل الناس متجهه للسوشيال مش لاقية حد يعيش معايا حياة الواقع حتى الدراسة عالموبايل كل حاجة في الموبايل الحاجات المفيدة فيه ملقتش غيرنفسي وقعدت انا وهي مع بعض كنا هنقضي على بعض من كتر التفكير طب أعمل إيه!!
قولي.
_العيب مش في الحياة الطبيعية ولا السوشيال الصراحة.
إنتي هتجننيني بعد ده كله العيب مش فيهم أمال في مين بقى إن شاء الله.
_العيب فيكي إنتي الصراحة يارهف.
فيا أنا فيا أنا إزاى!
_أيوة العيب فيكي إنتي كل حاجة ليها الحلو والۏحش ليه مصرة يا تاخدي الباكيدج كله يا تسيبيه خالص فيها إيه لو نظمتي نفسك ووقتك بين الاتنين وقبل ده كله نفسيتك.
_يعني مش أول ما تصحي من نومك تمسكي موبايلك تشوفي أخبار الناس إيه إصحي صل إعملي رياضة إقرأي وردك وأذكارك إفطري لو هتاخدي دش بارد يفوقك لو هتقرأي كتاب كل ده وإنتي مقربتيش ناحية الأخبار ولا وش السوشيال بعد ما يكون عدى وقت تقدري تستقبلي فيه ممكن تردي على صحابك عالواتس لو عاوزة بس مش أول ما تصحي.
_وإنتي هتزعلي لو أول ما فتحتي عينك عالواتس ولقيتي محدش عبرك أو لو شوفتي ستوري حد ماټ تقفلي يومك من أوله ليه!
مش عارفة بحسها حاجة تلقائية كده لازم أعملها.
_إحنا عاوزين نعالج صح ولا إيه
هزيت راسي ونطقت بصوت خفيف
صح
يبقى الأفضل تكوني حاطة وقت محدد تفتحي فيه السوشيال إنتي ممكن تاكلي نص اليوم بس في شوية ريلز وبتشتغلي على جهازك العصبي بشكل مهلك حزين وراه رقص وراه قرءان وراه فرح وراه عزا ليه تعملي في مخك كده وتستغربي مش بتستوعبي ليه!
فوقي لنفسك شوية خدي المفيد من السوشيال وإبعدي عن المضر ليه تقفلي الموبايل كله لما ممكن تفتحي بودكاست يوسع تفكيرك ومخك ليه تقفلي الموبايل لما ممكن تسمعي تلخيص كتاب مش لاقياه مثلا أو مش عارفة تشتريه زى صفح موجودة من أول على وكتاب والزتونة وغيرهم كتير ليه تضيعي على نفسك فرصة ناس كتير مؤثرة هو ليه معتقدة إن السوشيال فيس واتس إنستا تيك توك يا بلاش.
ما تاخدي المفيد منهم وبس!
إنتي بتتكلمي من برا الواقع بتتكلمي من عالم المنطق لكن وقت التجربة بيبقى صعب.
_لأ مش من عالم المنطق ولا حاجة مانا كمان زيك معايا موبايل وحياتي كلها عالسوشيال بس الفرق في إستخدامي أنا بقفل إشعارات الفيس والواتس والانستا علشان لما أكون بشتغل أو أكون بسمع بودكاست أو بعمل حاجة مفيدة متجيش رسالة تقوم قاطعه حبل أفكاري ولما بخلص اللي ورايا بفتح الإشعارات وأكلم صحابي عادي وأستمتع معاهم
متابعة القراءة
