قصة جاسر

شهقت ړعبا .........!!
يتبع 
الفصل_التاسع
أعلن هاتف مريم عن وصول رساله و عندما فتحتها و الفصل_التاسع قرأت محتواها شهقت ړعبا .........!!
كان محتوي الرساله .. مبروك يا مريم ... بس صدقيني مش هتتهني باللي إتجوزتيه ده ... لأنك ملكي أنا وبس ...!! 
حذفت مريم الرساله سريعا من علي هاتفها خوفا من أن يراها عمر و أستندت علي السرير واضعه وجهها بين كفيها و هي تفكر ...

خرج عمر من المرحاض 
أمسك عمر المنشفه بكلتا يداه و جفف بها وجهه و شعره و هو واقف أمام المرآه ثم نظر بجانب عينيه إلي مريم القابعه علي الفراش قائلا بحنان مزيف 
_ أيه يا حياتي مالك ..... شكلك زعلانه ..!!
رفعت مريم رأسها و نظرت إليه بإبتسامه 
_أزاي أزعل و أنت معايا يا روحي ... أنا بحبك أوي يا عمر ...
_ و أنا بعشقك يا حياتي ...
تجمعت الدموع بمقلتيها قائله بتوسل 
_ أوعي تسيبني يا عمر ... دا أنا أموت لو سبتني ...!!
لتنظر إليه بدموع قائله بصوت مبحوح 
_ أنت مش بترد عليا ليه يا عمر ...... أنت ناوي تسيبني و لا أيه .....!!
أبعدها عمر قليلا و جلس علي السرير ليتظاهر بالتفكير ..
أقتربت منه مريم متسائله پخوف 
_ عمر أنت ناوي تمشي ...!
نظر إليها عمر و قال بجديه 
_ لازم أسافر كمان أسبوعين بره مصر علشان جالي عمل في مكتب هندسه بمرتب خيالي ....
سقطت الدموع علي وجنتي مريم و جلست بجانب عمر و قائله بنبره باكيه 
_ لا يا عمر ... علشان خاطري ماتسبنيش أنت لو سبتني روحي كمان هتسيبني ....
نظر إليها عمر بقلة حيله مدعي الحزن 
_ علي عيني يا حبيبتي أسافر و أسيبك يوم واحد حتي ..... بس قوليلي هنعيش منين .. و أنا لا يمكن أعيشك أقل من المستوي اللي إنتي عيشاه ده ...
قالت مريم بكل تلقائيه 
_ أنا عندي فلوس كتير ... و فلوسي و فلوسك واحد مفيش فرق بينا ...!!
وقف عمر قائلا مدعي الڠضب 
_ أيه اللي إنتي بتقوليه ده يا مريم ... أنا راجل و لا يمكن أقبل إن مراتي تصرف عليا قرش واحد ...
ظنت مريم إنها قد أرتكبت خطأ كبير بقولها هذا فهي لا تعني أي كلمه فوقفت و أقتربت منه قائله 
_ عمر أنا ... أنا مااقصدش و الله اللي فهمته ....
بص أنا هبيع أرض من اللي عندي و أنت أفتح مكتب هندسه في العماره بتاعتنا هنا ....و أنا ياعم هكتبلك نص العماره بأسمك علشان تكون في ملكك و أنت أشتغل و رجع ليا فلوسي كأنك أخدت قرض من البنك ... أيه رائيك .....!!

لمعت عيني عمر بمكر و نظر إلي مريم و هو يحك ذقنه قائلا 
_ فكره حلوه ... بس بشرط طبعا هردلك كل الفلوس اللي هاخدها منك أول ما أشتغل ... خلاص هفكر ...
أبتسمت مريم ونظرت اليه بحب قائله 
_ ربنا يخليك ليا يا حبيبي ...
نظر إليها عمر و قال بمكر 
_ طيب سيبك من المشاريع دلوقتي ... تعالي هنا أنا عايزك في موضوع أهم أنتي لسه عليكي حسابات كتير ..
بعد مرور ثلاث أعوام كامله ..... !!
تخرجت كلا من مريم و بسمه من الجامعه 
و عملت بسمه بأحد الشركات ..
فتح عمر مكتب هندسه في العماره بعد أن كتبت له مريم نصف ممتلكاتها ....
أتفق كلا من عمر و مريم علي عدم الأنجاب الي حين أن تنتهي مريم من دراستها ....
في شقة كريم ...
كان يجلس كريم مع أحد رفاقه الذي تعرف عليه بالجماعه مصطفي 
أمسك كريم كأسا به خمر و أرتشفه مرة واحده و مسح فمه بظهر يده ..
نظر مصطفي الي كريم بشفقه قائلا 
_ كفايه شرب لحد كده يا كريم .... أنت تقلت خالص ....!!
_ لا ... مش كفايه ...
قالها كريم بجمود و أمسك بالكأس و ملئه ليتجرعه مرة أخري و نظر إلي مصطفي بعيون تكاد تبكي قائلا  
_ لأ يا مصطفي ... أنا مش قادر أنساها .... أكتر من تلت سنين كامله و هي متجوزه و أنا مش لاقي حل علشان أوصلها .... حاولت كتير أكلمها في الجامعه و هي رفضت و أهو خلصنا جامعه بقالنا أكتر من خمس شهور و مش عارف أشوفها .... لازم الاقي حل علشان تسيب هي زفت اللي اسمه عمر ده ... و تعرف إن انا أكتر واحد بحبها ...
ثم ضغط بقوه علي الكأس بيديه حتي تهشم بين أصابعه و سقطت منه الډماء ..و لمعت عيناه بمكر ثم قال و هو يصر علي أسنانه 
_ لقيتها .... و هعرف أزاي أرجعها ......!!
نظر إليه مصطفي و هز رأسه يمينا و يسارا بعدم رضا و ضړب كف بكف قائلا بنبره منخفضه 
_ ربنا يهديك يا صاحبي ....!!
في عمارة مريم و عمر