رواية رهف ومروان كاملة جميع الفصول بقلم همس حسن
المحتويات
خرج الدكتور علي أهلها وهما مترصصين ومرعوبين عليها
الدكتور فين جوزها
مروان انا جوزها يادكتور .. طمني عليها والنبي
الدكتور متقلقش خالص رهف مراتك حامل
مروان پصدمة ووشه جايب ألوان ايه !!
الدكتور رهف .. حامل
مروان ل... لا لا مستحيل يادكتور حضرتك بتقول ايه !
الدكتور هو ايه المستحيل مش انت بتقول جوزها
الدكتور طيب ياجماعة انا هكتبلكم أدوية كدا هاتوها من الصيدلية واول ما تفوق تاخدهم
خرج الدكتور على برا .. قرب أبو رهف من مروان
طلع من جيبه السلاح حطه في دماغه
أبوها لو منطقتش حالا وقولت دا حصل امتى وازاي هفرغ الطبنجة دي في دماغك .. انطططططق عملت ايه في بنتي
أبوها ازاااااااااي يعن...
حازم أخوها جري ومسكه من ياقة القميص الشيطان وزك وقولت مكتوب كتابي عليها يبقى اعتبرها مراتي و أعمل معاها اللي انا عايزه مش كدا نخرج بس من المستشفى وهما مش هيلاقوا لجثتك أثر
أمها بعياط اهدوا ياجدعااااان اهدوا لما البت تفوق ونفهم منها هي كل حاجة
صالح صبرك عليا .. لو متدفنتش انت وهي في تربة واحدة مبقاش إسمي صالح العناني
ماجدة أمها حد غريب بيرن عليا استنوا أشوف مين
ماجدة الو
........
ماجدة ااااااايه .. بنتي مالها
ياحووووستي السودا وديتوها مستشفى ااااايه
انا جاية حاااالا
ماجدة فيه حد بيقولي إن إيمان عملت حاډثة ونقلوها مستشفى في مدينة نصر فاقدة وعيهااااا
حازم يانهار اسوووود ومنيل يلا بسرعة نروح
صالح بيبص لمروان هسيبك هنا مع البت لو اتحركت من مكانك أو هربت هجيبك من بطن أمك .. انت فااااااهم
مروان فاهم ياحج
خرجوا يجروا هما التلاتة
فضل واقف باصصلها
بعد دقايق بدأت رهف تفتح عينيها اللي بتلمع من جمالها .. ورفعتها في عيون مروان
رهف مروان .. انا فين وحصلي ايه
مروان حمدالله على سلامتك
رهف الله يسلمك ياحبيبي .. ايه اللي حصل
وفجأة بدون أي مقدمات وبأقوى ما عنده ضربها بالقلم
مروان بتستغفليني يارهف
رهف پتتوجع من القلم انت بتمد ايدك عليا ! انت اتجنننننننت يامروان !!
مروان بعد كلللللل اللي بينا دا بټخونيني .. طب ليه عملتلك ايه دا انا حتى كنت بحبك بصدق
رهف انت بتخرف بتقول ايه
خۏنتك امتى وازاي انا !!!!
مروان بجد والله الفيلم دا تعمليه على حد غيري
رهف فيلم ااايه وبتاع ايه ماتفهمني تقصد اااايه
مروان الدكتور لسة قايلنا بنفسه خبر عظيم دلوقتي .. انتي حامل يا.... مدام
بصتله رهف پصدمة .. فقدت النطق تماما ودخلت في عالم تاني لا بقت شايفة مروان ولا غيره .. الحاجة الوحيدة اللي مركزة فيها دا حصل ازاي
مروان تعرفي يارهف جزاء الخېانة مع ناس طبعهم صعيدي زي أهلك ايه
..........
جزاءه القتل ..
بس انا بقى للأسف مش هستنى لما أهلك يرجعوا عشان يقتلوكي هما
طلع المسډس من جيبه .. وجهه في دماغه رهف
مروان اتشاهدي على نفسك يمكن الشهادة تكفرلك جزء من ذنوبك قبل ماتموتي بلحظات
مروان واقف موجه السلاح في دماغ رهف
فجأة سمع صوت من وراه
الممرضة بتعمل ايه يااستاذ !!!!
اتلفت مروان بصلها
الممرضة حضرتك معاك سلاح !!!!
لا دي مستشفى محتر....
قاطعها ومسكها من هدومها ډخلها الاوضة وقفل الباب .. لزقها في الحيطة وهو حاطط السلاح في دماغها
مروان وعزة جلالة الله .. لو ما سكتي وحطيتي لسانك جوا بوقك لأخلي كل حتة فيكي في مكان
هتخرجي من الأوضة دي لا من شاف ولا من دري ولا كأنك شوفتي حاجة ودا لمصلحتك قبل مصلحتي
الممرضة پخوف أيوة يااستاذ بس ...
مروان بصوت عالي مفهووووووووم
الممرضة مفهوم .. مفهوم يااستاذ خلاص
مروان بينزل سلاحھ اتفضلي اطلعي برا يلا
خرجت الممرضة جري من الأوضة .. مروان بيتلفت على رهف
رهف واقعة في الأرض مغم عليها !!
مروان رهههههف
جري عليها شالها حطها على السرير وبدأ يفوق فيها يدعك في ايديها ويخبط على وشها يقرص مناخيرها ويرفع رجليها ... فاقدة الوعي تماما !!
ماجدة وصالح وحازم داخلين مستشفى تانية يجروا هما التلاتة .. شافوا ممرضة
ماجدة بتنهج لو سمحتي ياختي أقدر أعرف غرفة إيمان صالح فين
الممرضة إيمان صالح
مش عارفه والله أصل ا....
جت ممرضة تانية من بعيد أيوة أيوة انا عارفة تعالوا هوديكم
اخدتهم ودخلوا الغرفة
إيمان نايمة على السرير دماغها ملفوفة بشاش وايديها منطور عليها بلاستر رجليها نفس الكلام
ماجدة حبيبتي يابنتي ماااالك ايه اللي حصل بس
إيمان بتفتح عينيها مفيش ياماما بعدي الإشارة عربية خبطتني بس الحمدلله كلها كدمات بسيطة
صالح كدمات بسيطة ايه بس ! اومال كل البلاستر دا بيعمل ايه يابنتي دا انتي متشلفطة
إيمان الحمدلله علي كل حال
حازم بيبوس دماغها ألف ألف سلامة عليكي ياختي انشاله اللي يكرهوكي أو اللي يستاهلوا كسر دماغهم
ماجدة بتبصله حازم مش وقته ها
إيمان بتبصله باستغراب
ماجدة يلا ياجماعة نشوف الدكتور فين نتطمن علي حالتها
إيمان لا لا لا انا كويسة متسألوش حد اهم حاجة
اختي فين
كلهم ساكتين
إيمان ماتردوا عليا ياجماعة رهف فييين
صالح في المستشفى .. سيبناها مع جوزها
حازم إسمه خطيبها يابا لسة مبقاش جوزها
في المستشفي التانية
مروان مازال قاعد قدام رهف مستنيها تفوق
نتعرف برهف
بنت عندها ٢٣ سنة خريجة كلية تجارة .. محترمة جدا وأخلاقها عالية وشها ربنا جعل فيه البراءة اللي تجذب أي حد من أول مرة يشوفها فيها .. أهلها بيحبوها جدا بس الصعب إن أصلهم صعيدي
أخواتها حازم وإيمان .. حازم إسم على مسمى قد ما بيحبها مبيقبلش بالغلط حتى لو هيكون فيها ډم
أما إيمان كل وظيفتها في الحياة تدافع عن أختها بأي تمن حتى لو هتتأذي مكانها
رهف مكتوب كتابها على مروان بقالهم شهرين بعد خطوبة دامت سنتين بعد قصة حب دامت ٣ سنين .. كل اللي حواليهم بيحكوا عن قصة حبهم من عمقها
نرجع تاني للمستشفى
بدأت رهف تفتح عينيها براحة .. شافت مروان قاعد قدامها وفي ايده السلاح اتنطرت من مكانها ... مسحت وشها
بصت لمروان تاني
رهف غلطانين يا مروان .. أقسم بالله غلطانين انت ازاي تصدق حاجة زي كدا عني يامروان
دا انا رهف .. نسيت رهف !
مروان قاعد باصصلها وساكت عيونه بتسأل مليون سؤال من غير ما يفتح بوقه
رهف بتحط ايديها على ايده يامروان انا مش حامل صدقني
مروان بينطر ايديها من علي ايده ايدك النجسة دي متلمسنيش تاني
رهف اټصدمت .. فضلت بصاله دقيقة متواصلة بسكوت
رهف ومقټلتنيش ليه لما انت متأكد كدا !
كانت قدامك
الفرصة دلوقتي
مروان تقدري تقولي عقلت
رهف عقلت
مروان اه عقلت .. مخي أشتغل فجأة واكتشفت إن انا مش ھقتلك لوحدك
مش ھقتلك قبل مااعرف مين اللي عملتي معاه كدا عشان اقتله هو كمان .. ومن هنا للوقت دا هتشوفي أسود أيام حياتك على ايدي
رهف كنت ممكن أتوقع أي حاجة من أي حد بس انت بالذااااات .. كنت عمري مااتوقع منك كدا يامروان
بكرا او بعده بالكتير انا هجيب تحليل أصلي من معمل محترم يثبت إني مش حامل
وساعتها هتندم ندم عمرك على اللي بتقوله دلوقتي دا
مروان شال الترابيزة رزعها في الأرض
متابعة القراءة
