رواية الايد اليمين كاملة الفصول بقلم كاريمان عماد
المحتويات
اهتمام لكلامه أو بتحاول تعمل انها مش مهتمه لكلامه
بتعدي الأيام ببطء بينهم
الخميس الساعه سته ونص بيدخل من باب الشقه ماسك في ايده كيس أزرق و شنطه صغيرة و داخل بيتكلم في التليفون
_يابني بطل زن بقا نص ساعه و هبقا عندك خلاص رجعت البيت اهو هدخل البس علطول واجيلك
قفلت التليفزيون و بصتله بأستغراب دخل الاوضه من غير كلام قامت دخلت وراه
_لأ مش عايز عندي مشوار مهم يدوب البس
_مشوار أي
رد عليها و بيقلع القميص _فرح عمرو صاحبي انهارده
_هاجي معاك أنا بقالي كتير مخرجتش من البيت
رد عليها و بيفتح الدولاب و ياخد فوطه _أنا مش فاضيلك مش هقعد مستني ساعه عقبال ما تلبسي
_هلبس علطول والله
وقف عند باب الحمام و قال_قولت لأ يبقا لأ و بيدخل و يقفل الباب
أنا مكنتش عايزة اروح علشان خاطر اخرج من البيت وبس أنا كنت عايزة ابقا معاه و لو نص ساعه احس بوجوده و لو حتى بين النااس احنا متجوزين بالاسم و بس
بتقفل النوت و تقوم تحطها في الدولاب و تخرج تعمل كوبايه شاي و تقعد قدام التلفزيون
وبعد شويه بتشوفه خارج بيتكلم في الفون و لابس قميص جديد أستنتجت أنه اللي كان في الكيس اللي في ايده لما دخل و ساعه كلاسك جديدة في ايده الشمال و بيخرج باستعجال كأنه بيسابق الوقت
يمكن لو كان حاسس بيا شويه كان الوضع اختلف أو على الأقل ميتعملش معايا علي إني قميص او ساعه و خلاص زهق منهم و حابب يجدد بس محتفظ بيهم في الدرج عادي جدا علشان لما يحن ليهم و يفكر يلبسهم يطلعهم بس باين الوقت هيطول لحد ما أطفي
الساعه اتناشر و خمس دقايق بتسمع صوت الباب بيتفتح و بيدخل من الباب علي اوضه النوم يغير هدومه بتدخل وراه
رد عليها بعدم اهتمام و بدأ يقلع هدومه _لأ الفرح خلص من الساعه عشره
_امم أمال كنت فين
_ كنت مع صحابي
_امم تمام احضرلك أكل
_لأ أكلت بره
_ماشي تصبح علي خير
بيغير هدومه و يدخل جنبها علي السرير و يبدأ يقرب منها
بصوت همس_وحشتيني عايزك
بتبدأ بحركه خفيفه تبعد بجسمها _أنا تعبانه انهارده
مع صوت الفجر و صوت الهدوء بيقوم من جنبها بكل جفاء و عدم اهتمام لملامحها و نظرتها و يدخل الحمام
بتبص علي طيفه و تحس بنغزه جوه قلبها كأن الراجل اللي كان جنبها من دقيقه واحد غريب عنها مش جوزها حلالها
بعد كام دقيقه بيخرج ينام و هي بتقوم تاخد دش و تخرج تصلي الفجر
بقيت احس إني بمۏت بالبطيئ مش طايقه لمسته بقيت بقرف من نفسي وأنا معاه شخص جاف في مشاعره معندوش ذره حنيه معقول ده اللي حاربت الكل علشان ابقا معاه ! استحاله يبقا هو ده الشخص اللي حبيته
و بتقفل النوت و تقوم تنام....
في يوم كان قاعد في الاوضه ماسك التليفون و مركز فيه ...
_ أنا رايحه عند ماما أقعد يومين
من غير ما يبص _اشمعنا
_محتاجه اغير جو
_هتغيري جو عند مامتك ازاي يعني هو أي التغير في كده اقعدي في بيتك يا ماما بلاش هبل
صوتها بيعلي _مبقتش طايقه القاعده هنا
بيقوم بعصبيه_ صوتك ميعلاش و مفيش مرواح في مكان
قامت وقفت و صوتها بدأ يغلوش عليه العياط _ أنت أي ياخي مبتحسش معندكش أحساس أنا مبقتش طايقه البيت ولا طايقه وجودي معاك أنت أي معندكش ډم
محستش غير بقلم بينزل علي وشي من ايده و نظره عنيه بتزيد غل و ړعب
_قسم بالله لو نطقتي بكلمه كمان لكون مديكي علقھ مموتك فيها ابو قرفك ياشيخه
للحظه حسيت إن الزمن وقف و كل أصوات العالم وقفت كل المواقف اللي عدت بنا ظهرت قدام عيني شوفت إني عايشه مع شخص معندوش ذره حنيه ولا مشاعر شخص بخيل في مشاعره بيستخسر فيا وقته و حبه و كأن عدو له مش شخص مقسوم نصين معاه و المفروض إننا واحد
بصتله بنظره خاليه من
متابعة القراءة
