قصه اطلعي بقي

قرب ومنكرش انه اتغير وبقي ديما معايا
وقبل الفرح بيومين اتفقت مع صحابي اننا نخرج اليوم ده خصوصا ان في كافيه فتح جديد وقررنا نروح هناك وفعلا بالليل عديت علي صحبتي وروحنا هناك طلبنا اكل وقعدنا نتكلم ونضحك لحد ما يمني صحبتي قالتلي پصدمه 
_ فاتن بصي وراكي بس علشان خاطري امسكي نفسك 
_ في أي يا يمني

مستنتش ترد وبصيت وفجأة حسيت ان في حد كب عليا جردل مايه متلجه بصيت لصحابي المصډومين ورجعت بصيت عليه وهو قاعد مع واحده بيضحك وماسك ايديها 
اخدت شنطتي وطلعت بسرعه من الكافيه وانا مش شايفه قدامي بسبب الدموع هي دي وعودك ليا هي دي النزوات العابره هو ده كلامك فرحنا بعد يومين وبتعمل كده وانا اللي كدبت علي نفسي للمره الألف وسامحتك !
دخلت اوضتي وفضلت اعيط لحد ما نمت صحيت علي صوت الموبايل ولقيته هو اترددت كتير ارد ولا لاء بس مردتش لاني عارفه هيقول اي وياتري هيبرر عملته دي إزاي وفرحنا بعد يومين فضلت سرحانه وبفكر لحد ما وصلت لقرار مسكت الموبايل وبعتله رساله بقوله شوفتك النهارده كنت مبسوط وانت معاها وماسك ايديها حبيت اقولك اني لغيت الفرح ومش عايزه اشوف وشك تاني حتي لو صدفه زهقت من التبريرات والوعود اللي مبتتنفذش انا اللي كنت غبيه اني قررت اكمل رغم الخيانه والكدب .
قفلت الموبايل ومعرفتش انام استنيت لحد ما بابا صحي 
_صباح الخير يا عروستنا .
_ انا لغيت الفرح.
_اي !انت بتقولي اي فرح اي اللي لغتيه.
_ مستحيل اكمل مع شخص خاېن يا بابا انا شوفته بعيني .
وقبل ما بابا يتكلم لقيت الباب بيخبط فتحت واټصدمت من وجود محمود .
_ فاتن اسمعيني انا .
_ أظن اني قولتلك كل حاجه في رساله فوجودك ملهوش داعي اتفضل اط.
_ فاتن صاحب البيت لسه عايش اتفضل يابني 
بصيت لبابا پصدمه ودخلت اوضتي حتي انت يا بابا !
فضلت قاعده في اوضتي مرت ساعات ومش سامعه اي صوت لحد ما سمعت اخيرا صوت باب الشقه وبعدها بثواني لقيت بابا دخل الاوضه .
_ عارف انه شعور وحش خصوصا ان فرحكم بعد يومين هو برري ولكني مقتنعش ومكنش ينفع اطرده من بيتي وانا لسه مسمعتوش هبقي ظالم حتي لو غلطان هو بيتمني تسامحيه وبيقولك آخر مره مينفعش اقولك سامحيه ولا سبيه ده اختيارك انتي 
يابنتي فكري كويس .
طلع بابا من الاوضه وفضلت افكر لحد ما لقيته بيرن رديت عليه وصوت انفاسي بدأ يعلي .
_ فاتن حبيبتي انت اكيد عارفه اني بحبك انت بس ولو مكنتش بحبك بجد اي اللي هيجبرني اتجوزك واختارك دول كلهم نزوات واي راجل عنده نزوات بمجرد ما يتجوز كل حاجه بتنتهي ومش بيشوف غير مراته الست اللي حبها واختارها من بين كل الناس ارجوك متدمريش كل حاجه انا غلطان ووعد ما هكررها عارف اني وعدتك كتير بس دي اخر مره فكري وانا مستني قرارك .
قفلت الموبايل وفضلت افكر في كلامه انا بحبه وخلاص يعني هو وعدني انها آخر مره وبعدين هنتجوز وحياتنا هتتحسن بعتله رساله بقوله مسمحاك واتمني تكون قد وعدك ليا .
لقيته بيرن فتحت وقضينا الليل كله كلام علي الفرح وتجهزاته وقد اي هو مبسوط انه كسب قلبي 
عدت الأيام بسرعه اتجوزنا وحياتي بقت هاديه وجميله خاليه من المشاكل والنكد وبعد شهر ونص من جوازنا في يوم صحيت ملقتهوش خمنت يكون نزل يشتري حاجه مرت ساعتين ومجاش رنيت عليه ولكن موبايله مقفول قلقت اكتر بس لفت نظري مسيدج علي الواتساب بيقول فيها انه حصل مشكله في الشغل واضطر يسافر ومرداش يصحيني علشان ميقلقنيش وكلها اسبوع او عشر ايام ويجي 
اضايقت اوي ازاي ميقوليش حاجه زي كده ولي موبايله مقفول فضلت قاعده في الاوضه مش بعمل حاجه لحد ما موبايلي رن لقيته هو .
_ وحشتني يا حبيبتي عامله اي انا اسف والله بس حصلت مشاكل و
_ عرفت قريت المسيدج 
_ كويس طمنيني عليكي 
_ انا بخير 
_ الحمدالله خلي بالك من نفسك وانا مش هتأخر
_ تمام
قفل قومت فتحت التليفزيون بس حسيت بملل فكلمت صحبتي وحكتلها 
_ طب ما تعملي زيه 
_ تقصدي اي 
_ بصي اي رايك نسافر يومين اسكندريه خصوصا